Деветнаесетгодишно момче од Кочани било пронајдено со повреда на главата во речен канал во село Лески, виничко, соопшти МВР.Случајот бил пријавен на 6 мај околу 23:30 часот во ОВР Виница, по што полициски службеници веднаш излегле на местото.„Во речен канал во с. Лески, виничко, било пронајдено машко лице со повреда на главата. Полициски службеници излегле на местото и било констатирано дека се работи за П.А.(19) од Кочани“, велат од МВР.На момчето му била укажана прва помош од екипа на Итната медицинска помош, по што било пренесено во Комплексот клиники „Мајка Тереза“ во Скопје за понатамошно лекување.Од полицијата велат дека се преземаат мерки за расчистување на случајот и утврдување на околностите под кои 19-годишникот завршил во каналот со повреда на главата.
Сподели го овој напис