Сериозна сообраќајна несреќа се случила синоќа на булеварот „Христијан Тодоровски Карпош“ во Скопје, при што 11-годишно девојче било прегазено од патничко возило. Малолетната пешакинка се здобила со тешки телесни повреди и била пренесена на лекување во Комплексот клиники „Мајка Тереза“. Министерството за внатрешни работи информира дека увид на местото извршила екипа на СВР Скопје.
На 05.08.2025 во 22:00 часот во СВР Скопје било пријавено дека на бул.„Христијан Тодоровски Карпош“ во Скопје, патничко возило „ауди“ со скопски регистарски ознаки, управувано од Ф.Ф.(23) од Скопје, удрило во 11-годишна малолетничка од Скопје. Во несреќата со тешки телесни повреди се здобила малолетничката, констатирани во Комплекс клиники „Мајка Тереза“ Скопје. Извршен бил увид од увидна екипа на СВР Скопје.