Пред да започнат евентуалните кадровски промени, викендов започна темелно чистење на надворешниот дел од Кривичниот суд во Скопје. Зградата и дворот беа средени – заменети се старите знамиња, шалтерите се исчистени, а тревата покосена.
Овие активности доаѓаат само неколку дена по изборот на новата в.д. претседателка на судот, Даниела Димовска. Иако засега не е познато дали ќе следува и внатрешна „чистка“ меѓу позиционираноста на судиите согласно годишниот распоред, некои ја гледаат акцијата како сигнал за поинаков пристап и нова слика за институцијата која во изминатите години беше постојано мета на јавни критики.
Дали симболичното чистење е само почеток на подлабоки реформи во Кривичниот суд – останува да се види.
