На 5 јули 2025 година, во два одвоени случаи пријавени во 13:09 и 14:48 часот, во СВР Скопје била поднесена пријава од градоначалникот на Град Скопје, Д.А., и инспекторот А.Ј. од Град Скопје, во врска со нелегални приклучоци на градската водоводна и канализациона мрежа.
Како што соопшти МВР, дивите приклучоци биле забележани на улицата „Аврам Писевски“ и улицата „Индира Ганди“ во Скопје, без соодветен налог и одобрение од надлежните градски служби.
Во првиот случај, пријавителите биле спречени од страна на граѓани да продолжат со извршувањето на службените дејствија, што дополнително ја отежнало постапката.
МВР соопшти дека се преземаат мерки за целосно расчистување на случаите, како и за утврдување на идентитетот и одговорноста на лицата инволвирани во поставувањето на нелегалните приклучоци и попречувањето на службените лица.
