Седумдесетгодишна жена била пронајдена мртва во својот дом на подрачјето на Бит Пазар, потврдија од Министерството за внатрешни работи.
Како што информираат од МВР, случајот бил пријавен денеска (17.06.2025) во 00:11 часот во СВР Скопје. Почината е идентификувана како Х.К. (70) од Скопје. Смртта ја констатирал лекар од Итната медицинска помош.
По наредба на надлежен јавен обвинител, телото на починатата е предадено на обдукција за утврдување на причините за смртта.
Од МВР наведуваат дека се работи на целосно расветлување на случајот.
