На 15 јуни 2025 година, полициски службеници од Полициската станица за безбедност на патниот сообраќај при СВР Куманово, во два одвоени случаи, привеле двајца возачи кои управувале моторни возила под дејство на алкохол.
Во 18:20 часот бил сопрен В.Ц. (30) од Куманово, кој управувал патничко возило марка „Фолксваген Венто“. По извршената контрола, било утврдено дека возачот имал 1.69 промили алкохол во крвта.
Неколку часа подоцна, во 20:20 часот, бил сопрен и Е.С. (32) од Скопје, кој управувал „БМВ“. Кај него биле измерени 1.84 промили алкохол, што е речиси четири пати над дозволеното.
Двајцата се лишени од слобода, а по целосно документирање на случаите, против нив ќе биде поднесена кривична пријава согласно член 297-а од Кривичниот законик – „безобѕирно управување со моторно возило“.
