Александар Пандов, директор на Управата за извршување санкции, вечерва во Претрес со Ландов дојде од седницата на Извршниот комитет на ВМРО-ДПМНЕ. На седницата биле утврдени како кандидати актуелни градоначалници но има и нови лица.
Пандов ја потврди информацијата на ОЈО ГОКК дека лицата кои организирале убиства и ликвидации наредби издавале од затворите и имало активности и планирање на сериозни кривични дела.
,, Во поголемите затвори има десетина лица кои вака дејствувале.Имале телефони и ај пад.Секоја недела има претреси.Сега тие лица минимално раководат со затворите.
Осудените од Диво насеље сигурно имаат телефони.Најмалку половина од вработените во затворите не треба да се таму вработени. Има многу корупција во затворите, имало и ќе има иако сега има помалку”, вели Пандов.
Пандов рече дека многу е подобрена сега состојбата во затворите.Околу 1.000 телефони се одземени од затвореници откако е тој директор.
,,Осудените од групите Беланоца порано беа како во хотел а сега се во затвор. Водачите на Беланоца немаат телефони”, изјави Пандов.
