Обвинител, член на Советот на јавни обвинители е вториот пријавен во случајот каде врховниот судија Наке Георгиев е осомничен за земање на 10.000 евра со цел вршење на противзаконито влијание, дознава „Скопје1“. Пријавата за ова лице доаѓа од страна на синот на ексградоначалникот на Ново Село, Боро Стојчев, кој пак, одлежува затворска казна за трговија со марихуана.
Обвинителството за гонење организиран криминал и корупција побарало и добило дозвола за претреси кај нивниот колега-обвинител, но повеќе детали не се познати.
Станува збор за лице кое е поранешен обдусман, но и министер за правда во периодот на широката владејачка коалиција, за време и по воениот конфликт во 2001 година. Во 2003 година, тој беше повторно избран за министер за правда, во првата Влада на СДСМ и на ДУИ, а краток период беше и член на Уставниот суд.
Од 2020 година, овој обвинител е дел од Советот на јавни обвинители.
Повеќе информации во текот на денот.