Генералот Стојанче Ангелов, кој е и директор на Центарот за управување со кризи што замина од Владата на СДСМ и ДУИ по осум години коалицирање и власт, во подкастот „Претрес со Ландов“ зборуваше и за чувствата кога ќе ги види симболите на УЧК на кампањата за претседател на Бујар Османи, но и нивните спменици во Скопје.
„Јас не очекувам ништо помалку од командант на УЧК. Нормално е дека тој ќе ги чествува неговите. Ние треба да учиме од нив. Како што Али Ахмети внимателно ги чита имињата на сите загинати од 2001, а сите стојат мирно додека тој ги чита сите имиња. Сите ние треба да учиме од нив. Ако тие ги чествуваат нивните, ние треба да учиме од нив и да ги чествуваме нашите. Направија куп споменици низ државата. Спомениците каде се направени на места каде слабо се движиме, не можамд а ги коментирам, Ќе ви кажам нешто што не го знаете. Дали знаете дека во Чаир на раскрсница има огромен споменик на УЧК? Јас не одам да го гледам, како вие се чувствувате?“, рече Ангелов.
На забелешката дека тој со тие кои го поставија е во Влада 8 години, тој вика: „Кога гледам дека тоа граѓаните го прифаќаат, јас го прифаќам ставот на македонските граѓани. Отиде некој да го оштети споменикот? Не“.
