„Во рамки на денешните активности министерот за внатрешни работи Панче Тошковски оствари работни посети на ОВР Неготино и ОВР Кавадарци каде одржа состанок со раководствата на овие организациски единици“, објави МВР и додава:
На состаноците министерот Тошковски беше запознаен со тековните активности и позначајните настани на подрачјето и беше потенцирано дека безбедносната состојба на двете подрачја е стабилна.
Од страна на министерот Тошковски беше посочено дека полициските службеници во својата работа треба да постапуваат исклучиво согласно позитивните законски прописи и во интерес на обезбедување на високо ниво на безбедност на граѓаните.
Исто така, Тошковски ги посети и управните служби во Неготино каде од страна на вработените му беа презентирани проблемите со кои се соочени во секојдневното работење и беше потенцирано дека за првпат се посетени од еден министер.