(ВО ЖИВО) Сопругата на Андреј од ДНК: Од Владата и од претседателката добив само про-форма писма со сочувство

Наталија Ѓорѓиеска, сопруга на загинатиот Андреј од ДНК во ,,Претрес со Ландов”, вели дека е благодарна за секоја поддршка од јавноста.,,Од државата очекував многу повеќе, не мислам на финансиска помош. Од Владата и претседателката добивме само про-форма писма со сочувство. Треба општа свест и поука ваква трагедија да не се повтори и треба сплотување на јавноста”, вели сопругата на загинатиот Андреј. Прашањето дали колегите го забораваат Андреј вели да се упати на колегите. ,,Од јавноста Андреј ја доби почитта што ја заслужуваше, но не и од институциите”, децидна е Наталија.Сака да верува дека обвинителството си ја врши работата најдобро што може. Наталија следи сè што се случува, но од одредени причини не оди на судењата.