Полицијата спроведе повеќе акции на различни локации низ земјава, при што беа пронајдени наркотични материи и приведени неколку лица.Во Тетово, при акциска контрола во угостителски објект на улицата „Димо Гавроски Кара“, во тоалетните простории биле пронајдени мобилен телефон со остатоци од бела прашкаста материја, кеса со прашкаста материја и фолија со марихуана. Со сопственикот и вработен бил извршен службен разговор, а предметите се одземени за вештачење.Во друг случај во Тетово, полицијата лишила од слобода две лица од селата Пирок и Добарце, откако при преглед на возило „БМВ“ биле пронајдени четири паковки со бела прашкаста материја.Во Демир Капија, приведен е 17-годишник од Неготино кој, откако ги забележал полициските службеници, фрлил паковка со бела прашкаста материја. Со него бил извршен разговор во присуство на родител, адвокат и претставник од Центар за социјални работи.Во Скопје, на повеќе локации, полицијата привела шест лица, меѓу кои и малолетник, кај кои биле пронајдени бела прашкаста материја и марихуана.По целосно документирање на сите случаи, против инволвираните ќе бидат поднесени соодветни пријави.
Сподели го овој напис