Министерството за внатрешни работи соопшти дека во текот на изминатото деноноќие на територијата на државата полициските службеници лишиле од слобода девет возачи поради безобѕирно управување со моторни возила.Според МВР, меѓу приведените има возачи од Скопје, Гостивар, Тетово, Штип, Гевгелија и Велес. Дел од нив управувале возила без возачка дозвола, а еден од случаите во Тетово се однесува на малолетно лице кое предизвикало сообраќајна незгода.Во Штип, покрај управување без дозвола, е утврдено дека возачот бил под дејство на алкохол. Во Гевгелија се регистрирани два случаи на возење под дејство на алкохол, како и еден случај на управување возило со активна забрана.Во Велес евидентиран е возач кој управувал возило со значително поголема брзина од дозволената.По целосно документирање на случаите, против сите инволвирани ќе бидат поднесени соодветни пријави.Од МВР упатуваат апел до граѓаните да ги почитуваат сообраќајните правила, да не управуваат возила без дозвола, под дејство на алкохол или со активни забрани, со цел зголемување на безбедноста во сообраќајот.
Сподели го овој напис