Полициски службеници од СВР Скопје извршија претрес во дом на подрачјето на општина Аеродром, при што пронајдоа дрога и насади со канабис, а едно лице е лишено од слобода.Како што информираат од Министерството за внатрешни работи, на 20 април 2026 година бил приведен В.В. (50) од Скопје, по претходно обезбедена судска наредба за претрес.При претресот во неговиот дом биле пронајдени и одземени 41 саксија со насади од канабис, прашкаста материја, марихуана, капсули, како и опрема за одгледување, меѓу која рефлектори и канти.Од МВР соопштија дека по целосно документирање на случајот, против приведениот ќе биде поднесена соодветна кривична пријава.
Сподели го овој напис