Ленче Ристоска поднесе оставка, заминува од Обвинителството: Нема услови за работа

Јавната обвинителка Ленче Ристоска поднесе оставка од функцијата, наведувајќи дека повеќе не постојат услови за независно и принципиелно извршување на обвинителската должност.Во своето обраќање, Ристоска посочува дека обвинителската функција ја доживувала како повик и можност за подобрување на системот, но дека во текот на кариерата се соочувала со сериозни опструкции – институционални и лични.Таа наведува дека работата на високопрофилни случаи носи притисоци од моќни структури кои, како што вели, користат влијание за да избегнат одговорност. Според неа, низ годините имало влијание врз сведоци, притисоци, законски измени, како и чување предмети во фиока со цел нивно застарување.Ристоска истакнува дека се кандидирала за државен јавен обвинител со цел да придонесе од раководна позиција, но дека последните одлуки на Советот на јавни обвинители и на државниот јавен обвинител дополнително ја влошиле состојбата.Според неа, отфрлањето на претставката за напад врз нејзиниот интегритет и повлекувањето на овластувањата за застапување во клучни предмети во завршна фаза претставуваат сериозен ризик за исходот на случаи поврзани со висока корупција и криминал.„Овие постапки се спротивни на визијата за обвинителство ослободено од политички влијанија, кое го штити јавниот интерес и своите професионалци“, наведува Ристоска.Поради, како што посочува, отсуство на простор за работа во согласност со нејзините принципи, таа донела одлука да се повлече од функцијата, изразувајќи благодарност до сите кои ја поддржувале нејзината работа.