(Фото) Запален камион кај Хиподром по судир со автомобил, сообраќајот во застој од Миладиновци

Камион се запалил на влезот во Скопје, на потегот кај Хиподром, по сообраќајна несреќа во која учествувал и патнички автомобил. Инцидентот предизвика застој во сообраќајот, кој започнува од близина на патарината Миладиновци.Во првичните информации, нема податоци за состојбата на возачите и евентуалните патници. На терен веднаш интервенирале екипи на Итната медицинска помош и противпожарни служби, кои работат на гаснење на пожарот и обезбедување на местото на настанот.Присутна е и полицијата, која го регулира и обезбедува сообраќајот, како и поширокиот периметар околу несреќата. Причините за судирот и за настанувањето на пожарот дополнително ќе се утврдуваат, а од надлежните се очекуваат повеќе информации во текот на денот.