Во неделата попладне во Скопје се случила сообраќајна несреќа во која повредени се малолетник и 84-годишен пешак.
Од Министерството за внатрешни работи информираат дека на 31 август 2025 година, околу 17:10 часот, на булеварот „Партизански одреди“ на велосипедската патека, електричен тротинет управуван од малолетно лице удрил во Р.Т. (84) од Скопје.
Во несреќата двајцата учесници се здобиле со тешки телесни повреди, кои биле констатирани во Комплексот клиники „Мајка Тереза“.
Извршен е увид од екипа на СВР Скопје, а случајот е целосно документиран.