На 10 јули околу 15:30 часот, интервентна патрола на СВР Скопје спречила сериозен пожар на потегот меѓу Кадино и Миладиновци. Според информациите од МВР, полициски службеници забележале густ црн чад и на лице место затекнале две лица како палат кабли во близина на сува трева и отпад, на дива депонија.
Со брза интервенција огнот бил изгаснат пред да се прошири, а двајцата осомничени – И.Б. (39) од Куманово и А.Б. (31) – се приведени и задржани во Полициска станица Гази Баба. За случајот е известен јавен обвинител, кој треба да поднесе соодветна пријава против нив.