Тоа што денеска ќе го погледнете во овој „Претрес“ навистина не сте го виделе никаде. Ќе го разголиме и претресеме животот во најголемата казнена институција кај нас, „Идризово“. Но ќе чуеме и повеќе приказни на затвореници. Претресот „Досие: Идризово“ ќе оди во два дела. Вечерва го гледате женскиот дел од затворот.
Катица Јанева со 40 килограми помалку, со истата насмевка и во различно светло, застана пред нашите камери. За себе ќе рече јас сум слободна, правдата ја чека, пресуди не коментира, а засега ниту колеги, ниту политика. Ни вети, тоа во нареден „Претрес“.
Потресна е приказната на Анета која 12 години била буквално тероризирана од невенчаниот сопруг. Институциите молчеле, па таа правдата ја зела во свои раце. Ќе каже, ми фалат децата, а мирот го нашла дури во затворската ќелија. Низ солзи ја раскажа голготата низ која минала.
Одиме со првиот дел од „Досие: Идризово“: Третманот на жените, потресната сторија на Анета и ексклузивното интервју со Катица Јанева.