Одделот за внатрешна контрола, криминалистички истраги и професионални стандарди при МВР, на барање на министерот за внатрешни работи Панче Тошковски, a во врска со истрагата за двојното убиство на 14 годишната Вања Ѓорчевска и 74 годишниот Панче Жежовски, изврши проверки во СВР Скопје и СВР Велес.
МВР ја информира јавноста, со оглед на тоа дека извештајот е класифициран, утврдено е дека не постојат основи за покренување на дисциплинска постапка, а воедно, до Бирото за јавна безбедност при МВР се упатени задолжителни мерки да се донесат нови процедури и упатства за постапување. Првоосомничениот во случајот Љупчо Палевски е во притвор во Турција и се очекува негова екстрадиција. Велибор Маневски, Влатко Кешишов и Боре Видевски се осомничени за грабнување и помагање на убиство и на Ѓорчевска и на Жежовски. Таткото на Вања, Александар Ѓорчевски е осомничен дека помагал при грабнувањето на неговата ќерка. Тие од почетокот на декември се во притвор во Шутка.
Во притвор е и Стефан Димковски кој е осомничен дека му помогнал на осомничениот за двојното убиство, Љупчо Палевски Палчо да избега во Турција.