Граѓаните и натаму мака мачат за да закажат за термини за вадење на лични документи. Операторите не одговараат на повиците, а тие постојано ѕвонат одново. Над 200 вртења се потребни за да се добие некој од другата страна, кој во систем ќе провери дали и за кога има слободни термини.
„Во функција се телефонските линии за закажување термин, a? Ништо не функционира, ништо!!!“, напиша граѓанка од Струмица.
По 203 вртења, успеала да добие оператор. Кога требало да се избере термин, првиот слободен бил за веќе наредниот ден односно за денеска.
„После 203 вртења на бројот, 38 минути слушање музика и ‘ве молиме почекајте, сите оператори се зафатени”, конечно успеав’, додава таа.
Овој пробле трае со месеци наназад. Познато е дека техничкиот министер за внатрешни работи, Панче Тошковски, кој ја презеде функцијата пред скоро месец, работи на оспособување на системот за закажување услуги преку веб-страницата на МВР.