Четворица турски државјани биле приведени во Скопје поради нерегулиран престој во државата, информираат од Министерството за внатрешни работи.Акцијата била спроведена на 11 јуни, во периодот од 09:00 до 12:00 часот, на подрачјето на општина Аеродром, при што полициски службеници од СВР Скопје постапувале согласно планот за работа на пријавно-одјавната служба за месец јуни.При тоа, биле приведени Б.М.Б. (21), К.У. (25), А.Е. (24) и К.Б. (24), сите државјани на Република Турција, поради утврден нерегулиран престој на територијата на државата.Од МВР информираат дека по целосно документирање на случаите, против лицата ќе бидат поднесени соодветни пријави.
Сподели го овој напис