Во „Претрес со Ландов“ гостин е новинарот Фуркан Салиу. Некогаш го викаат „храбриот новинар“, друг пат пак го „плукаат“. Познат е по тоа што не премолчува. Често зборува за соживот и контранационализмот, а како новинар има свое влијание кај јавноста.„Кај нас имаше и воен конфликт и сè уште има табу-теми. Ако спомнеш УЧК, има реакции како да сакаат да те убијат. Мораме да говориме и да ги решиме сите прашања. Не треба да оставиме отворени прашања за идните генерации. Проблемите се решаваат на маса“, вели Салиу.Сите други националности, според него, добија повеќе права поради Охридскиот договор. Салиу вели дека не е националист.„Овие проблеми ги враќаме зашто не се решени на време, а проблем е и што народот е сиромашен. Не можеш да ме наречеш националист“, вели Фуркан Салиу во „Претрес со Ландов“.Само Шарената револуција, според него, е добар пример кога ги имаше сите знамиња.„Не можеш на сите Албанци да им наметнеш да го почитуваат државното знаме како свое, не го почитуваат. Јас на стадионот не ја исвиркав македонската химна“, вели Салиу.
Сподели го овој напис