СВР Струмица поднесе кривична пријава против три лица од Гевгелија и Струмица поради сомнение за „неовластено производство и пуштање во промет на наркотични дроги, психотропни супстанци и прекурзори“.Пријавени се И.Ѓ. (26) од село Ново Конско, гевгелиско, П.Ч. (33) од Гевгелија и В.С. (51) од Струмица.Според информациите од Министерство за внатрешни работи, И.Ѓ. организирал набавка на кокаин, а по претходен договор со П.Ч. го ангажирал со неговото возило да ја пренесе дрогата до В.С.Откако кокаинот бил доставен, В.С. го сокрил така што го закопал во земја на место викано „Топо“ во атарот на селото Босилово, струмичко.По преземени оперативни мерки, полициски службеници од СВР Струмица ја пронашле локацијата каде што била закопана дрогата, по што со помош на работни машини таа била ископана и одземена.
Сподели го овој напис