Снимка на која извесна дама раскажува дека носи гардероба вредна 50.000 евра, а само часовникот што го поседува го процени на 30.000 евра, го преплави интернетот. Веста за луксузот на младата девојка ја засени трагедијата од Велес, каде беа убиени Росица и нејзиниот татко, и покрај тоа што претходно пријавувала дека не се чувствува безбедно, а институциите не ја заштитиле.По реакциите на социјалните мрежи, со свој став се огласи инфлуенсерката Миа Костова.„Двојното убиство и самоубиство замина во заборав, а го покри веста за ташната и Cartier часовникот на Елена за кој се дискутира дали е 5.000 или 30.000 евра, дали тие пари требало Елена да ги пренасочи за добротворни цели и, крајно, како ги има заработено? Тоа е сѐ што треба да знаете за природата на овој народ. Шанел ташна покри трагедија. Cartier часовник покри илјадници постови за психопат кој живеел меѓу нас. Размислете“, напиша Костова.
