Вчера во 23.15 часот во СВР Штип било пријавено дека на регионалниот пат Штип – Кадрифаково, патничко возило „фолксваген поло“ со штипски регистарски ознаки, управувано од 49-годишниот Ј.И. од Штип, удрило во пешакот 60-годишниот И.К. од село Три Чешми. Од здобиените повреди, И.К. починал на местото на настанот.
Лекар од Итна медицинска помош констатирал смрт, а по наредба на јавен обвинител телото на починатиот било дадено на обдукција. Извршен бил увид од Јавен обвинител и увидна екипа од СВР Штип.