Роднини и блиски до семејството Мијалкови се наддавале за становите на Водно конфискувани од екс шефот на УБК, открива Призма.
Тројца од четворица наддавачи за становите конфискувани од екс шефот на УБК, Сашо Мијалков биле поврзани со семејството Мијалкови.
Призма објавува дека освен фирмата „Бест веј инвестмент“ неговиот син Јордан Мијалков, која победи на јавното наддавање конкуренција му биле и фирма-ќерка на Бест веј – „Омпетрол оил“, но и сестрата на сопругата на Јордан Мијалков. Единствено за четвртиот наддавач од Призма не нашле поврзаност со семејството на поранешниот прв човек на тајната полиција Мијалков.
Претходно, становите и гаражата на Славејко Арсов на Водно ги купила фирмата на неговиот син Јордан.
Во ноември лани овој имот беше продаден на јавно наддавање преку Агенцијата за управување со одземен имот, каде беше свикана и прес-конференција на која тие тврдеа дека биле заплашувани од сопствениците на имотот при самите обиди за продажба.