Вознемирувачки инцидент е регистриран во Куманово, откако три малолетни деца биле пронајдени во бессознание на улицата „Професор Мијалковиќ“ и итно биле пренесени во болница.Станува збор за 15-годишно девојче и нејзините двајца браќа, на возраст од 12 и 9 години, за кои од СВР Куманово информираат дека биле затекнати без реакција на допир.Случајот бил пријавен вчера околу 10:40 часот, по што на местото пристигнале полициски службеници и екипа на Итна медицинска помош.Според првичните информации, постои сомнеж дека децата се затруле од вдишување лепило, но точните околности под кои дошло до инцидентот сè уште се предмет на истрага.Тие биле пренесени во Општата болница во Куманово, каде што им била укажана неопходна лекарска помош.Од Министерството за внатрешни работи соопштија дека се преземаат мерки за целосно расчистување на случајот и утврдување на сите факти поврзани со овој настан.
Сподели го овој напис