Седум до осум месеци старо бебе било пронајдено оставено на клупа во парк на подрачјето на Шуто Оризари, по што било пренесено на лекарски преглед, а полицијата започнала истрага за утврдување на сите околности на случајот.Како што информираат од Министерството за внатрешни работи, на 15 јуни 2026 година во 19:30 часот, А.С. од Скопје пријавил во СВР Скопје дека во паркот забележал оставено бебе.Полициски службеници веднаш излегле на местото, а екипа на Итната медицинска помош го пренела детето во Комплексот клиники „Мајка Тереза“. По извршениот преглед било утврдено дека бебето е во добра здравствена состојба и нема видливи повреди.Во рамки на преземените мерки, во Полициското одделение Шуто Оризари биле повикани на разговор М.М. (49), И.М. (54) и Ш.М. (32), сите од Скопје.Според нивните искази, Ш.М. на подрачјето на Центар се сретнала со С.Н., која ѝ го доверила бебето да го причува. Откако С.Н. не се вратила, Ш.М. заедно со детето заминала во населбата Шуто Оризари, каде што го оставила бебето во паркот.За случајот е известен јавен обвинител, а полицијата презема мерки за целосно расчистување на настанот и утврдување на евентуална одговорност.
Сподели го овој напис