Наместо да го врати, наводно го препродал: Тетовец пријавил измама по исчезнувањето на автомобилот

Четириесет и деветгодишен жител на Тетово пријавил во полиција дека бил измамен од лице од тетовско, откако неговото возило не му било вратено по истекот на рокот за кој било дадено на користење.Како што информираат од СВР Тетово, на 15 јуни во 10:00 часот тетовецот пријавил дека на 27 април годинава му дал полномошно на Ш.Б. од тетовско да го користи неговото патничко возило „Рено лагуна“ со тетовски регистарски ознаки во период од еден месец.Според пријавата, по истекот на договорениот рок, Ш.Б. одбил да го врати возилото и не одговарал на телефонските повици. Поради тоа, пријавителот се сомнева дека автомобилот бил препродаден на трето лице.Од СВР Тетово велат дека се преземаат мерки и активности за целосно расчистување и документирање на случајот.