Триесет и деветгодишна жена од тетовското село Џепчиште била лишена од слобода откако било утврдено дека управувала возило без возачка дозвола, а претходно учествувала во сообраќајна незгода на локалниот пат Тетово – Сараќино.Според информациите од СВР Тетово, на 15 јуни во 14:20 часот било пријавено дека на локалниот пат меѓу Тетово и селото Сараќино се случила сообраќајна незгода во која учествувале две патнички возила.Полициски службеници излегле на местото на настанот и утврдиле дека едното возило, марка „Шкода“ со скопски регистарски ознаки, го управувала М.М. (39) од селото Џепчиште, без да поседува возачка дозвола.Во незгодата таа се здобила со повреди и со возило на Итната медицинска помош била пренесена во Клиничката болница во Тетово за укажување лекарска помош. По укажаната помош, жената била лишена од слобода, а возилото било одземено.
Сподели го овој напис