Полициските службеници во текот на изминатото деноноќие лишиле од слобода 17 возачи низ државата поради безобѕирно управување со моторни возила, соопшти Министерството за внатрешни работи.Од нив, 14 лица биле затекнати како управуваат возило без да поседуваат возачка дозвола, а дури петмина биле малолетници. Дополнително, тројца возачи биле фатени како возат под дејство на алкохол.Според податоците на МВР, во Скопје биле приведени шест лица, меѓу кои двајца малолетници, додека во Тетово биле лишени од слобода четири лица, од кои тројца малолетници. По едно лице било приведено во Куманово, Велес, Охрид и Прилеп поради управување возило без положен возачки испит.Во Куманово, Македонска Каменица и Скопје биле откриени и тројца возачи кои управувале возила под дејство на алкохол. Во Скопје, еден од нив претходно со возилото „Форд“ удрил во паркирано возило од истата марка, при што била причинета материјална штета.Од МВР информираат дека по целосно документирање на сите случаи ќе бидат поднесени соодветни кривични пријави.Министерството повторно апелира до граѓаните да ги почитуваат сообраќајните правила и прописи, да не седнуваат зад волан без положен возачки испит, доколку им е изречена забрана за управување или кога се под дејство на алкохол, со цел заеднички да се придонесе за поголема безбедност во сообраќајот.
Сподели го овој напис