Четири лица, меѓу кои и двајца малолетници, биле лишени од слобода во сообраќајни контроли на подрачјето на СВР Тетово поради управување возила без да се стекнат со право на управување, со што сториле кривично дело „безобѕирно управување на моторно возило“ по член 297-а од Кривичниот законик.Според СВР Тетово, на 14 јуни 2026 година во 14:30 часот на улицата „Браќа Миладинови“ во Тетово било сопрено возило „рено“ со тетовски регистарски ознаки, управувано од 17-годишник од селото Копанце. Малолетникот бил лишен од слобода, а возилото било одземено.Дваесет минути подоцна, на магистралниот пат Гостивар–Стража, кај Новоселски мост, било сопрено патничко возило „БМВ“ со гостиварски регистарски ознаки, управувано од Е.М. (32) од селото Врапчиште, кој возел без возачка дозвола. И тој бил приведен, а возилото му било одземено.Во 18:35 часот на улицата „Киро Ристовски Дрнц“ во Тетово, полициските службеници лишиле од слобода уште еден 17-годишен малолетник од Тетово, кој управувал мопед „априлија“ без возачка дозвола. Во присуство на родител, инспектор за малолетничка деликвенција и адвокат по службена должност бил извршен службен разговор, а мопедот бил задржан.Подоцна, во 20:40 часот на улицата „Иво Рибар Лола“ во Тетово, бил сопрен мопед со тетовски регистарски ознаки, управуван од Р.Ш. (18) од Тетово, исто така без возачка дозвола. Тој бил лишен од слобода, а мопедот бил задржан.По целосното документирање на случаите, против сите лица ќе бидат поднесени соодветни поднесоци.
Сподели го овој напис