Вкупно 219 санкции биле изречени во засилената акциска контрола што ја спроведе МВР на подрачјето на Скопје, при што евидентирано е и едно кривично дело за безобѕирно управување со мопед, а возилото било одземено.Како што информираат од Министерството за внатрешни работи, контролата била реализирана на 14 јуни во периодот од 16:00 до 24:00 часот од страна на Одделението за безбедност на патниот сообраќај и Единицата за полициски станици од општа надлежност при СВР Скопје.Од вкупно 219 преземени мерки, 66 се однесувале на управување мотоцикл без заштитна кацига, шест санкции биле изречени за возење со несоодветна категорија, а 15 лица биле затекнати како управуваат велосипед со помошен мотор без положен возачки испит.Полицијата евидентирала и една мерка за нерегистриран мотоцикл, две мерки против возачи кои не застанале на даден знак, како и 129 санкции поради други прекршоци, меѓу кои неносење возачка или сообраќајна дозвола, неистакната регистарска табличка, недавање првенство на минување на возила или пешаци и други прекршоци.При акцијата било констатирано и едно кривично дело „безобѕирно управување со моторно возило“ по член 297-а од Кривичниот законик. Кај возач на мопед било утврдено присуство на 1,93 промили алкохол во крвта, по што мопедот бил одземен.Од МВР најавуваат дека засилените сообраќајни контроли ќе продолжат и во наредниот период со цел зголемување на безбедноста на патиштата.
Сподели го овој напис