СВР Охрид поднесе кривична пријава против 43-годишен жител на охридското село Лескоец поради сомнение дека бесправно изградил семејна куќа на државно земјиште во Трпејца.Според информациите од Министерството за внатрешни работи, кривичната пријава е поднесена против Р. Ѓ. (43) поради постоење основи на сомнение за сторени кривични дела „бесправно градење“ и „узурпација на недвижности“.Како што наведуваат од полицијата, пријавениот на катастарска парцела во државна сопственост во охридското село Трпејца неовластено изградил индивидуална семејна куќа, без да поседува одобрение за градба издадено од надлежен орган.Надлежните институции ќе ја продолжат постапката за целосно расчистување на случајот и утврдување на сите околности поврзани со бесправната градба.
Сподели го овој напис