СВР Струмица – ОВР Радовиш поднесе кривична пријава против две лица од општина Конче поради сомнение дека извршиле бесправна сеча на 261 дабово стебло, предизвикувајќи штета од над 300.000 денари на ЈП „Национални шуми“.Како што информира Министерството за внатрешни работи, кривичната пријава е поднесена против Ѓ.Н. (43) и Д.Н. (69), двајцата од селото Ракитец, поради постоење основи на сомнение за сторено кривично дело „пустошење на шума“ по член 226 од Кривичниот законик.Според пријавата, на 16 април годинава околу 14:30 часот, на местото викано „Горици“ во атарот на селото Ракитец, без одобрение од надлежен орган, од катастарска парцела сопственост на Јавното претпријатие „Национални шуми“ – Шумско стопанска единица „Смрдешник“, извршиле бесправна сеча на вкупно 261 стебло дабово дрво.Со незаконската сеча, како што наведуваат од МВР, на ЈП „Национални шуми“ му била причинета материјална штета во вкупен износ од 304.920 денари.Случајот е доставен до Основното јавно обвинителство Радовиш, кое ќе постапува понатаму по поднесената кривична пријава.
Сподели го овој напис