Пет лица, меѓу кои и малолетник, се лишени од слобода во акциски контроли спроведени од полицијата во Тетово и Гостивар поради управување возила без возачка дозвола.Како што информира СВР Тетово, полициски службеници од Полициското одделение за безбедност на патниот сообраќај Гостивар и Полициската станица за безбедност на патниот сообраќај Тетово, во координација со јавен обвинител, во текот на вчерашниот ден реализирале засилени контроли на патиштата.Во населбата Циглана во Гостивар, во 10 часот биле запрени три мотоцикли управувани од Ш.З. (42) од село Долна Ѓоновица, 17-годишник од Велес и А.Е. (71) од Гостивар. Малолетникот бил лишен од слобода во присуство на инспектор за малолетници.Подоцна, во 11:30 часот на булеварот „Браќа Ѓиноски“ во Гостивар, полицијата сопрела уште еден мотоцикл управуван од М.А. (72) од Гостивар.Во Тетово, пак, во 15 часот на крстосницата меѓу улиците „Благоја Тоска“ и „Браќа Миладинови“, полициски службеници запреле патничко возило „смарт“ со тетовски регистарски ознаки, управувано од Б.Л. (20) од Тетово.По консултација со јавен обвинител, сите пет лица биле приведени и задржани во полициска станица, а мотоциклите и возилото им биле одземени. По целосното документирање на случаите, против нив ќе бидат поднесени соодветни пријави.
Сподели го овој напис