Седумдесет и деветгодишен државјанин на Индија починал во паркот „Жена борец“ во центарот на Скопје, информираат од Министерството за внатрешни работи.Случајот бил пријавен на 7 јуни околу 22:20 часот, кога од Итната медицинска помош било известено дека во паркот се наоѓа починато лице.Полициски службеници од СВР Скопје веднаш излегле на местото на настанот и утврдиле дека станува збор за Х.Р.Г. (79) од Индија.Во разговор со полицијата, Т.М.Л. (43), исто така државјанин на Индија, изјавил дека додека двајцата се движеле низ паркот, неговиот сопатник ненадејно паднал, по што веднаш била повикана Итната медицинска помош.На местото бил извршен увид, а по наредба на јавен обвинител телото на починатиот е предадено на обдукција во Судска медицина, каде што ќе се утврдуваат точните причини за смртта.
Сподели го овој напис