Шеесетгодишен возач се здобил со тешки телесни повреди откако товарно возило излетало од коловозот на локалниот пат од Сарај кон Матка, информира Министерството за внатрешни работи.Несреќата се случила на 6 јуни околу 14 часот во атарот на селото Глумово. Според информациите од МВР, товарно возило „Ман“ со скопски регистарски ознаки, управувано од К. Ј. (60) од селото Шишево, излетало надвор од коловозот.Во несреќата возачот се здобил со тешки телесни повреди, кои му биле констатирани во Комплексот клиники „Мајка Тереза“ во Скопје.Увид на местото на настанот извршила екипа од СВР Скопје, а се работи на утврдување на причините за несреќата.
Сподели го овој напис