Во акциска контрола спроведена во угостителски објекти во Неготино, полицијата затекнала малолетници на кои им бил послужен алкохол, при што биле приведени две лица осомничени за кривично дело „точење алкохолни пијалоци на дете“, информира Министерството за внатрешни работи.Контролата била реализирана на 6 и 7 јуни од страна на полициски службеници од ОВР Неготино во координација со инспектори од Државниот пазарен инспекторат, Државниот инспекторат за труд, Управата за јавни приходи и Регионалниот центар за гранични работи Југ.Во еден од контролираните угостителски објекти биле затекнати малолетници кои консумирале алкохол. Со нив биле извршени службени разговори во присуство на претставник од Центарот за социјални работи во Неготино, по што биле предадени на нивните родители или блиски роднини.Поради сомнение за сторено кривично дело по член 204 од Кривичниот законик, полициските службеници ги лишиле од слобода А.С. (25) и еден малолетник, двајцата од Неготино.За случајот бил известен јавен обвинител, а по неговото целосно документирање ќе бидат поднесени соодветни поднесоци.
Сподели го овој напис