Полициски службеници од СВР Куманово извршиле службен разговор со четири лица од Куманово, кои се сомничат дека од угостителски објект на улицата „Гоце Делчев“ одзеле поголем број маси и столови.Како што информира Министерството за внатрешни работи, во периодот од 11 до 13 часот на 4 јуни биле повикани на разговор Е.Љ. (22), В.Б. (19), Љ.А. (23) и 17-годишен малолетник, сите од Куманово.Според пријавата, тие со употреба на сила влегле во угостителскиот објект и го одзеле инвентарот. Во службениот разговор осомничените го признале делото.Одземените маси и столови биле пронајдени и вратени на сопственикот, а по целосно документирање на случајот против нив ќе биде поднесена соодветна пријава.
Сподели го овој напис