Седум лица биле лишени од слобода во текот на изминатото деноноќие поради пријави за семејно насилство на различни локации низ државата, информира Министерството за внатрешни работи.Во Скопје бил приведен 45-годишен маж кој, според пријавата, физички го нападнал својот 75-годишен татко. Во прилепско село, полицијата привела 49-годишник откако неговата сопруга пријавила дека бил физички нападната во семејниот дом.Во гостиварско село, 40-годишна жена била лишена од слобода по пријава од нејзиниот сопруг дека по расправија физички го нападнала, при што оштетила дел од покуќнината и неговиот мобилен телефон.Полицијата во Неготино привела 65-годишен жител на Кавадарци поради пријава дека физички ги нападнал својата партнерка и нејзиниот син, додека во Велес бил лишен од слобода 49-годишник кој, според пријавата, ја нападнал сопругата по претходна расправија.Во Куманово биле регистрирани два случаи. Приведен е 40-годишен маж осомничен дека физички ја нападнал сопругата во семејниот дом, како и 46-годишен кумановец кој агресивно се однесувал и упатувал закани кон својата мајка.Од МВР информираат дека се преземаат мерки за целосно расчистување на сите случаи, по што против осомничените ќе бидат поднесени соодветни пријави.
Сподели го овој напис