Дваесет и деветгодишен жител на Дебар доби кривична пријава откако со безобѕирно возење предизвикал сообраќајна незгода, а потоа физички нападнал полициски службеници кои интервенирале на местото на настанот.Од Министерството за внатрешни работи информираат дека Надворешната канцеларија за криминалистички работи Дебар поднела кривична пријава против А.Љ. (29) од Дебар поради сомнение за сторени кривични дела „безобѕирно управување со моторно возило“ и „напад врз службено лице при вршење работи на безбедноста“.Според полицијата, на 29 мај годинава пријавениот управувал патничко возило со голема брзина и предизвикал сообраќајна незгода.Откако на местото пристигнале полициски службеници за да извршат увид и службени дејствија, тој физички ги нападнал.По целосното документирање на случајот, против него е поднесена соодветна кривична пријава.
Сподели го овој напис