Турски државјанин е лишен од слобода на Граничниот премин Деве Баир откако при контрола било утврдено дека приложил фалсификувани документи за товарното возило што го управувал.Како што соопшти Министерството за внатрешни работи, на 3 јуни околу 17 часот полициски службеници го привеле У.О. (46) од Република Турција.При пасошка контрола и извршените гранични проверки било констатирано дека доставил фалсификувани зелени карти за товарното возило со приколка кое го управувал.По приведувањето, лицето било задржано во Полициската станица Крива Паланка.Од МВР информираат дека по целосното документирање на случајот против него ќе биде поднесена соодветна кривична пријава.
