40-годишна жена физички го нападнала сопругот по расправија, оштетила покуќнина и мобилен телефон

Четириесетгодишна жена од гостиварско село е лишена од слобода откако нејзиниот сопруг пријавил дека физички го нападнала по семејна расправија.Според информациите од СВР Тетово, на 3 јуни во 12:40 часот полициски службеници од ОВР Гостивар ја привеле жената, постапувајќи по претходна пријава од нејзиниот 52-годишен сопруг.Според пријавеното, околу 07:30 часот во семејната куќа, по кратка расправија, таа физички го нападнала сопругот, при што искршила дел од покуќнината и му го оштетила мобилниот телефон.Од полицијата информираат дека по целосното документирање и расчистување на случајот ќе биде поднесена соодветна пријава.