Пожар избувнал вчера претпладне во Државното средно стручно училиште „Моша Пијаде“ во Тетово, при што шестмина вработени побарале лекарска помош поради вдишување чад.Од Министерството за внатрешни работи информираат дека случајот бил пријавен во СВР Тетово на 2 јуни 2026 година. Според пријавата, околу 9:50 часот настанал пожар во една од кабините во машкиот тоалет во училиштето.Пожарот бил локализиран и изгаснат од страна на вработените, кои користеле противпожарни апарати и хидрантска мрежа, со што било спречено негово понатамошно ширење.При интервенцијата, поради изложеност на чад, вработените Н.Р., И.П., М.С., А.З., Б.К. и Г.М. биле пренесени во Клиничкиот центар во Тетово, каде им била укажана лекарска помош.На местото на настанот увид извршила увидна екипа од СВР Тетово во координација со јавен обвинител, а се работи на утврдување на причините за избувнувањето на пожарот.
Сподели го овој напис