Тешки телесни повреди доби 76-годишна жена во сообраќајна несреќа што се случила во Битола, информира Министерството за внатрешни работи.Несреќата била пријавена на 1 јуни 2026 година во 14:38 часот во СВР Битола и се случила на крстосницата меѓу улиците „Партизанска“ и „Македонска фаланга“.Според информациите од полицијата, во судирот учествувале патничко возило „мерцедес“ со битолски регистарски ознаки, управувано од Л.Х. (21) од Битола и патничко возило „пежо“ со прилепски регистарски ознаки, управувано од З.Т. (67) од Прилеп.Во несреќата со тешки телесни повреди се здобила 76-годишната К.Т. од Прилеп, која била сопатничка во возилото „пежо“. Телесни повреди добила и 56-годишната С.М. од Прилеп, исто така сопатничка во истото возило.Повредите биле констатирани во Клиничката болница во Битола.Увид на местото на несреќата извршила увидна екипа на СВР Битола, а причините за сообраќајката се утврдуваат.
