Жител на скопското село Студеничани пријавил во полиција дека непознато лице предизвикало пожар во близина на неговиот угостителски објект кај селото Батинци.Како што информира Министерството за внатрешни работи, на 1 јуни 2026 година во 10 часот во СВР Скопје, Е.Б. (40) од Студеничани пријавил дека претходниот ден околу 11 часот бил предизвикан пожар пред неговиот угостителски објект.Според пријавата, сторителот влегол во дворно место на куќа што се наоѓа во непосредна близина на локалот и запалил косена сува трева. Огнот брзо се проширил низ дворот и стигнал до оградата на угостителскиот објект.Пожарот бил навреме изгаснат, а од СВР Скопје информираат дека се преземаат мерки за расчистување на случајот и откривање на сторителот.
