Скопјанец е приведен откако при полициска контрола извадил пиштол и испукал куршум кон полициски службеници, по што се обидел да избега.Како што соопшти Министерството за внатрешни работи, инцидентот се случил на 2 јуни 2026 година околу 1:20 часот на подрачјето на Гази Баба во Скопје.Полициски службеници од СВР Скопје при обид да го легитимираат А.П. (46) од Скопје, тој извадил пиштол и испукал еден куршум кон нив. По пукањето се дал во бегство.По преземени оперативни мерки и активности, полицијата успеала да го пронајде и приведе осомничениот.Од МВР информираат дека по целосно документирање на случајот против него ќе биде поднесен соодветен поднесок.
Сподели го овој напис
