Електричен тротинет удри пешак во Гостивар, возачот на тротинетот избега од местото на несреќата

На улицата „Браќа Ѓиноски“ во Гостивар вчера се случила сообраќајна несреќа во која тешко е повреден 67-годишен пешак, откако во него удрил електричен тротинет, информираат од Министерството за внатрешни работи.Според полицијата, несреќата била пријавена на 30 мај околу 19:00 часот во ОВР Гостивар. Непознато лице кое управувало електричен тротинет удрило во пешакот В.Т. (67) од Гостивар, а веднаш по незгодата го напуштило местото на настанот.Повредениот бил пренесен во Медицинскиот центар во Гостивар, каде што лекарите констатирале тешки телесни повреди.Увид на местото извршила екипа од ОВР Гостивар, а полицијата презема мерки за пронаоѓање на возачот кој избегал по несреќата.